बुटवल । शान्तिपूर्ण धर्ना बस्ने भन्दै जिल्ला प्रशासन कार्यालय गुल्मीको मुल गेट अगाडी धर्ना बसेको कांग्रेस नेता कार्यकर्ताहरु एक्कासी जिल्ला प्रशासन कार्यालय प्रवेश गर्न खोजेपछि गुल्मीको तम्घासमा प्रहरी र कांग्रेस कार्यकर्ताहरु बीच धकेलाधकेल भएको छ ।
आफ्नो कार्यकर्ता कुटिएको बिरोधमा कुट्ने ब्यक्तिहरुलाई पक्राउ गर्न दवाब दिने उद्देश्यले जिल्ला प्रशासन कार्यालयको मुल गेट अगाडी धर्ना बसेका कांग्रेस कार्यकर्ताहरु गेट भित्र छिर्न खोजेपछि केहिबेर धकेलाधकेल भएको हो । झडपमा कांग्रेस गुल्मीका सभापति भुवन श्रेष्ठ सहित केहि कार्यकर्ता घाईते भएको कांग्रेसले जनाएको छ ।
शान्तिपूर्ण धर्ना बसिरहेकाहरु मध्यबाट केहि ब्यक्तिहरु कार्यालय परिषरमा प्रवेश गर्न खोजेपछि उनीहरुलाई रोक्ने क्रममा सामान्य धकेलाधकेल भएको गुल्मीका प्रमुख जिल्ला अधिकारी भरतकुमार शर्माले बताए ।
रेसुंगा नगरपालिका १२ को रानीपोखरी निमाविको विषयलाई कांगैस र नेकपा कार्यकर्ताहरुका बीच विवाद भएकोमा नेकपाका कार्यकर्ताले आफ्नो कार्यकर्तालाई कुटपिट गरि घाईते बनाएको कांग्रेसले आरोप लगाउंदै आएको छ ।
प्रतिक्रिया