काठमाडौं । काठमाडौं उपत्यकामा थप ६३७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले बुधबार अपरान्ह सार्वजनिक गरेको कोरोना तथ्यांक अनुसार काठमाडौंमा देशभरको भन्दा ५० प्रतिशत बढी संक्रमित थपिएका हुन् ।
काठमाडौं जिल्लामा ४९२ जना संक्रमित थपिएका छन् । भक्तपुरमा ९५ जना र ललितपुरमा ५० जनामा संक्रमण पुष्टि भएको मन्त्रालयले जनाएको छ ।
७ जनाको मृत्यु
यसैगरी पछिल्लो २४ घण्टामा काठमाडौंका २ र ललितपुरका १ सहित देशभर ७ जना कोरोना संक्रमितले ज्यान गुमाएका छन् ।
काठमाडौंमा ६८ वर्षीय एक जना महिला र १६ वर्षीय एक किशोरको ज्यान गएको छ । ललितपुरमा ७४ वर्षीय पुरुषको ज्यान गएको छ भने झापामा ८६ वर्षीय पुरुष, सिराहामा ५० वर्षीय पुरुषको ज्यान गएको छ ।
यसैगरी, बर्दियामा ६४ र ३९ वर्षीय पुरुषको ज्यान गएको मन्त्रालयको तथ्यांकमा उल्लेख गरिएको छ ।
प्रतिक्रिया