काठमाडौं । नेपाली कांग्रेसका महामन्त्री डा. शंशाक कोइराला कोरोनामुक्त भएका छन् ।
महामन्त्री कोइराला संक्रमणमुक्त भएसँगै घर फर्किएका छन् । कोइरालालाई गत भदौ २३ गते कोरोना संक्रमण पुष्टि भएको थियो ।
होम आइसोलेसनमै बसेको अवस्थामा ज्वरोको समस्या बढेपछि कोइराला ओम अस्पतालमा भर्ना भएका थिए । त्यहाँ उनलाई रेमडेसिभिर औषधी लगाइएको थियो ।
संक्रमणमुक्त भएपनि उनी एक साता घरमै आइसोलेसनमा बस्ने उनका स्वकीय सचिव भरत तिवारीले जनाएका छन् । कोइरालाको स्वास्थ्य अवस्था राम्रो रहेको उनले बताए ।
यसैबीच, कोइराला संक्रमण मुक्त हुनु अघि उनको सचिवालयमा काम गर्ने एक जनालाई कोरोना संक्रमण भएको छ । बुधबार गरिएको परीक्षणमा ती सचिवालय सदस्यलाई कोरोना पोजेटिभ पुष्टि भएको हो ।
प्रतिक्रिया