थपिए रुपन्देहीमा ६३ कोरोना संक्रमित, बुटवलमा मात्र ३९ नयाँ संक्रमित

बुटवल । पछिल्लो २४ घण्टामा रुपन्देहीमा ६३ जना नयाँ कोरोना संक्रमित थपिएका छन् । स्थास्थ्य कायर्उालय रुपन्देहीका अनुसार रुपन्देहीमा २३ महिला र ४० पुरुष संक्रमित थपिएका छन् ।

रुपन्देहीमा आज पनि बुटवल उपमहानगरले संक्रमित थप्नेमा अग्रता लिएको छ । बुटवलमा शुक्रबार ३९ जना नयाँ संक्रमित थपिएका छन् । रुपन्देहीको सिद्धार्थनगर नगरपालिकामा ९ जना, तिलोत्तमा र सैनाममैना नगरपालिकामा ६।६ जना, देवदह नगरपालिकामा २ जना र मर्चवारीमा १ जना नयाँ कोरोना संक्रमित थपिएको स्वास्थ्य कार्यालयले जनाएको छ ।

शुक्रबार थपिएसँगै रुपन्देहीमा कुल संक्रमितको संख्या २३४५ पुगेको छ । आज मध्यन्ह एकजना कोरोना संक्रमितको मृत्यु भएपछि जिल्लामा २२ जना संक्रमितको ज्यान गएको छ ।