बाँकेमा २९ घर फर्के, ३९ आइसोलेसन भित्रिए

नेपालगन्ज । बाँकेमा २९ जना कोरोना मुक्त भएर घर फर्कँदा ३९ जना नयाँ कोरोना संक्रमित थपिएका छन् । स्वास्थ्य कार्यालय नेपालगन्जले दिएका जानकारी अनुसार सोमबार साँझ सम्ममा बाँकेमा १३ महिला २६ पुरुष गरि ३९ जनामा कोरोना संक्रमण पुष्टि भएको हो ।

सोमबार थपिएका नयाँ संक्रमितहरुमा सबैभन्दा बढी कोहलपुर नगरपालिकाका छन् भने त्यससँगै नेपालगन्ज उपमहानगरका रहेका छन् । कोहलपुरमा सोमबार १६ जना नयाँ संक्रमित थपिएकाछन् भने नेपालगन्जमा १२ जना नयाँ संक्रमित थपिएका छन् । १ जना बाँके बाहिरका छन् भने अन्य जिल्लाका बिभिन्न पालिकाका रहेका छन् ।

बाँकेमा कुल संक्रमितको संख्या १८६ण् पुगेको छ । जसमा १४६३ जना कोरोना मुक्त भएर घर फर्केका छन् । बाँकेमा जिल्लाभित्रका १३ जना र जिल्ला बाहिरका ८ जना गरि २१ जना कोरोना संक्रमितको उपचारका क्रममा मृत्यु भएको छ ।