काठमाडौं । कोरोना भाइरसको संक्रमणबाट नेपालमा पछिल्लो २४ घण्टामा १० जनाको मृत्यु भएको छ ।
स्वास्थ्य तथा जनसंख्या मन्त्रालयले मंगलरबार अपरान्ह अपडेट गरेको तथ्यांक अनुसार देशभर १० जनाको मृत्यु भएको हो ।
मृत्यु हुनेमा ३ महिला र ७ जना पुरुष रहेका छन् ।
जसमध्ये काठमाडौं र बाँकेमा एक एक महिला र दुई दुई जना पुरुष रहेका छन् ।
यस्तै, सर्लाहीका एक जना महिलाको पनि मृत्यु भएको छ भने मोरङका एक पुरुषको मृत्यु भएको छ ।
यस्तै, महोत्तरी र चितवनका पनि एक एक पुरुषको मृत्यु भएको मन्त्रालयले जनाएको छ ।
यससँगै हालसम्म देशभर कोरोना संक्रमणबाट मृत्यु हुनेको संख्या ४९१ पुगेको छ । यो मृत्यु कुल संक्रमितको ० दशमलव ६४ प्रतिशत रहेको मन्त्रालयले जनाएको छ ।
प्रतिक्रिया