बाँकेमा थपियो २६ नयाँ संक्रमित, नेपालगन्ज र कोहलपुरको अग्रता कायम

नेपालगन्ज । बाँकेमा बुधबार पनि २६ जना नयाँ कोरोना संक्रमित थपिएका छन् । स्वास्थ्य कार्यालय बाँकेले दिएको जानकारी अनुसार भेरी अूपतालको पीसीआर ल्यवमा १० जना, मेडिकल कलेजको ल्याबमा १२ जना र बागेश्वरी ल्याबमा ४ जनामा कोरोना संक्रमण पुष्टि भएको हो ।

बाँकेमा बुधबार पनि नेपालगन्ज उपमहानगरका १९ जनामा कोरोना संक्रमण पुष्टि भएको छ भने कोहलपुर नगरपालिकामा ६ जनामा कोरोना संक्रमण पुष्टि भएको छ । त्यसैगरि बैजानाथ गाँउपालिकामा १ जनामा संक्रमण पुष्टि भएको छ ।

बाँकेमा बुधबार थपिएसँगै कुल संक्रमितको संख्या १९१३ पुगेको छ । आज डिस्चार्ज भएका ३४ जना सहित जिल्लामा १५४१ जना कोरोना मुक्त भएका छन् भने आजै मृत्यु भएका १ जना सहित १६ कोरोना संक्रमितको ज्यान गएको छ ।