काठमाडौं । नेपाल सरकारको मुख्यसचिवमा शंकरदास बैरागी नियुक्त भएका छन् ।
बिहीबार बसेको मन्त्रिपरिषद् बैठकले बैरागीलाई मुख्यसचिव बनाउने निर्णय गरेको हो । बैरागी हाल परराष्ट्रसचिव रहेका छन् ।
यसअघि, मुख्यसचिव लोकदर्शन रेग्मीले पदबाट राजीनामा दिएका थिए ।
कार्तिक ३ गते अनिवार्य अवकाश पाउँदै गरेका रेग्मीले दिएको राजीनामा मन्त्रिपरिषद् बैठकले स्वीकृत पनि गरेको छ । उनलाई बेलायतको राजदूतका लागि सिफारिस गरिएको छ ।
बैठकले पूर्वअर्थमन्त्री युवराज खतिवडालाई अमेरिकाको लागि नेपाली राजदूतमा सिफारिस गरेको छ ।
खतिवडाले गत भदौ २० गते राजीनामा दिएपछि हाल प्रधानमन्त्रीका प्रमुख आर्थिक सल्लाहकारको रूपमा काम गरिरहेका छन् ।
प्रतिक्रिया