काठमाडौं । नेपालमा कोरोना भाइरसका संक्रमितको संख्या एक लाख नजिकै पुगेको छ ।
बिहीबार ४ हजार ३६४ जना नयाँ संक्रमित थपिएका छन् । यससँगै कुल संक्रमितको संख्या ९८ हजार ६१७ पुगेको छ ।
१८ हजार ४७३ पीसीआर परीक्षण गर्दा ४ हजार ३६४ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
संक्रमितहरु दिनदिनै बढ्ने क्रम निरन्तर जारी छ । बुधबार अहिलेसम्मकै सबैभन्दा धेरै ४ हजार ३६४ जना संक्रमित थपिएका थिए ।
बिहीबार सक्रिय संक्रमित २६ हजार ६८४ रहेको मन्त्रालयका प्रवक्ता प्राडा जागेश्वर गौतमले जानकारी दिए । जसमध्ये संस्थागत आइसोलेसनमा ११ हजार ७१७ जना र होम आइसोलेसनमा १४ हजार ९६७ जना रहेका छन् ।
पछिल्लो २४ घण्टामा २ हजार ६७५ जना संक्रमण मुक्त भएका छन् । हालसम्म संक्रमण मुक्त हुनेहरुको संख्याको ७१ हजार ३४३ पुगेको छ ।
यसै समाचारमा बिहीबार थपिएका ४ हजार ३६४ हुनुपर्नेमा अन्यथा भएकोले सच्चाएका छौं
प्रतिक्रिया