बुटवल । लुम्बिनी प्रदेशका प्रदेशसभाका सभामुख पुर्ण घर्ती सहित रुपन्देहीमा ११८ जनामा कोरोना संक्रमण पुष्टि भएको छ ।
स्वास्थ्य कार्यालय रुपन्देहीले जिल्लामा शुक्रबार ११८ जनामा कोरोना संक्रमण पुष्टि भएको जनाएको छ भने प्रदेशसभाका सभामुख घर्तीले आफुलाई कोरोना संक्रमण भएको फेसबुक वाल मार्फत सार्वजानिक गरेका छन् ।
रुपन्देहीमा आजै दिउंसो प्रदेश सरकारको आन्तरिक मामिला तथा कानुन मन्त्री कुल प्रसाद केसीलाई कोरोना संक्रमण पुष्टि भएको थियो ।
रुपन्देहीमा आज पनि सबैभन्दा बढी बुटवलमा कोरोना संक्रमित थपिएका छन् । बुटवलमा शुक्रबार ६७ जना कोरोना संक्रमित थपिएका छन् । रुपन्देहीको तिलोत्तमामा १७ जना, सिद्धार्थ नगरमा १६ जना, कोटहिमाईमा ६ जना, देवदहमा ५ जना, सैनामैनामा २ जना तथा मायादेबी, रोहिणी, गैडहवा, सियारी र लुम्बिनी साँस्कृतिक नगरपालिकामा १।१ जना कोरोना संक्रमित थपिएका छन् ।
रुपन्देहीमा आज थपिएसंगै कुल संक्रमितको संख्या ३४१६ पुगेको छ । जिल्लामा ३३ जना संक्रमितको ज्यान गएको छ ।
प्रतिक्रिया