७ जेष्ठ २०८१, सोमबार | May 20, 2024

अवस्था डरलाग्दो, संक्रमित आइसोलेसनमा नबसे ६ महिना जेल



काठमाडौं । नेपालमा कोरोना भाइरस संक्रमितको संख्या १ लाख नाघेको छ । योसँगै संक्रमणको अवस्था डरलाग्दो बनेको छ ।

शुक्रबार देशभर २ हजार ५९ जना संक्रमित थपिएसँगै कुल संक्रमितको संख्या १ लाख ६ सय ७६ पुगेको हो ।

पछिल्लो २४ घण्टामा १३ हजार २ सय ७९ जनाको कोरोना परीक्षण गरिएको थियो । पछिल्लो एक हप्तामा ९६ हजार ५ सय ५१ जनाको आरटी-पीसीआर प्रविधिबाट कोरोना परीक्षण गर्दा १८ हजार २ सय २६ जनामा संक्रमण देखिएको छ । यसरी हेर्दा प्रत्येक पाँच जनाको कोरोना परीक्षण गर्दा एक जनामा संक्रमण देखिएको छ ।

स्वास्थ्य तथा जनसंख्या मन्त्रालयका अनुसार देशभर हाल २७ हजार ५३ जना सक्रिय संक्रमित रहेका छन् । कुल संक्रमितमध्ये ७३ हजार २३ जना संक्रमणमुक्त भएका छन् । हालसम्म ६ सय जना संक्रमितको मृत्यु भएको छ ।

देशभर ४ हजार ७ सय ३ जना क्वारेन्टिनमा रहेका छन् । पछिल्ला तीन महिनायता सबैभन्दा बढी असोजमा संक्रमित थपिएका छन् । संक्रमणदरको ग्राफ दिन प्रतिदिन चुलिँदै गएको छ । पछिल्ला २३ दिनको अवधिमा ४१ हजार १ सय ३ जना संक्रमित थपिएकामा २ सय १७ जनाको मृत्यु भएको छ । १ असोजदेखि २३ असोजसम्म २ लाख ६२ हजार ३ सय २२ जनाको कोरोना परीक्षण गरिएको छ ।

स्वास्थ्य मन्त्रालयका अनुसार असारमा १० हजार ९ सय ६६, साउनमा ९ हजार ३ सय १६, भदौमा ३१ हजार ८१ संक्रमित थपिएका छन् । असारमा २०, साउनमा ६५, भदौमा २ सय ७२ र १ असोजदेखि २३ असोजसम्म २ सय १७ संक्रमितको मृत्यु भएको छ ।

शुक्रबार काठमाडौं उपत्यकामा १ हजार ४ सय ९ जना कोरोना संक्रमित थपिएका छन् । स्वास्थ्य मन्त्रालयका अनुसार काठमाडौंमा १ हजार १ सय १६, ललितपुरमा १ सय ६३ र भक्तपुरमा १ सय ३० जनालाई कोरोना संक्रमण देखिएको छ । योसँगै काठमाडौंमा ३० हजार ४ सय ९७, ललितपुरमा ४ हजार १ सय ७४ र भक्तपुरमा ३ हजार ४९ संक्रमित पुगेका छन् ।

स्वास्थ्य मन्त्रालयका अनुसार देशभर ३ सय ९३ जना कोरोना संक्रमित विभिन्न अस्पतालका आईसीयू र भेन्टिलेटरमा उपचाररत छन् । मन्त्रालयको तथ्यांकअनुसार ७५ जना भेन्टिलेटरमा र ३ सय १८ जना संक्रमित आईसीयूमा उपचाररत रहेका छन् ।

संक्रमित आइसोलेसनमा नबसे ६ महिना जेल

कोरोना भाइरस संक्रमण पुष्टि भएपश्चात् कुनै पनि व्यक्ति आइसोलेसनमा नबसे संक्रमण ऐनअनुसार कारबाही गर्न स्वास्थ्य मन्त्रालयले गृह मन्त्रालयलाई परिपत्र गरेको छ ।

केही व्यक्तिमा कोरोना पोजिटिभ आएपछि आइसोलेसनमा नबसेको पाइएको भन्दै आइसोलेनामा नबसे कारबाही गर्न गृह मन्त्रालयलाई पत्राचार गरिएको स्वास्थ्य मन्त्रालयका प्रवक्ता डा जागेश्वर गौतमले बताए ।

आइसोलेनमा नबसेको पाइएमा संक्रमण ऐनअनुसार ६ महिना जेल सजाय हुने व्यवस्था छ । पोजिटिभ रिपोर्ट आएका व्यक्तिहरू आइसोलेसनमा नबसेको पाइए घरपरिवार, छरछिमेकले समेत अनुगमन गरी खबर गर्न प्रवक्ता गौतमले आग्रह गरे ।

स्वास्थ्य मन्त्रालयले पीसीआर परीक्षण गर्न दिएका सबै व्यक्तिलाई रिपोर्ट नआउँदासम्म घरमा क्वारेन्टिनमा बस्न अनुरोध गरेको छ । उक्त समाचार आजको राजधानी दैनिकमा छापिएको छ ।

प्रकाशित मिति : २४ आश्विन २०७७, शनिबार  ७ : २३ बजे

गगन थापालाई गिरफ्तार नगरे गृहमन्त्री लामिछाने देशद्रोहीको मतियार ठहरिन्छन्- भीम रावल

काठमाडौं । नेकपा एमालेका नेता एवं पूर्व गृहमन्त्री डा. भीम

दुई जना पत्रकारलाई सम्मानित गर्दैं चलचित्र पत्रकार संघ नेपाल रुपन्देही शाखाले मनायो स्थापना दिवस

बुटवल । चलचित्र पत्रकार संघ नेपाल रुपन्देहीले शाखाले सोमबार तिलोत्तमामा

सभामुखको भूमिका सन्तोषजनक भएन- चित्रबहादुर केसी, महामन्त्री शर्माले सभामुखलाई भने-‘रबर स्ट्याम्प’

काठमाडौं । जनमोर्चाका अध्यक्ष चित्रबहादुर केसीले संसदमा सभामुखको भूमिका सन्तोषजनक

नेपालगन्जमा परम्परागत इनारको संरक्षण

नेपालगन्ज । नेपालगञ्जका साँघुरा गल्लीमा हुनसक्ने आगजनीको जोखिमलाई मध्यनजर गरी

नाराबाजीका बीच प्रधानमन्त्रीले पाए विश्वासको मत

काठमाडौं । प्रधानमन्त्री पुष्पकमल दाहाल ‘प्रचण्ड’ ले आज प्रतिनिधिसभाबाट पुनः