दाङको कोरोना अस्पतालमा पहिलो कोरोना संक्रमितको मृत्यु

घोराही । दाङको बेलझुण्डी स्थित कोरोना अस्पतालमा पहिलो कोरोना संक्रमितको मृत्यु भएको छ ।

रुपन्देहीबाट उपचारका लागि बुलझुण्डी रेफर गरिएकी तिलोत्तमा नगरपालिका–३ निवासी ६६ वर्षीया कोराना संक्रमित महिलाको शनिबार दाङको बेलुझण्डीस्थित कोरोना विशेष अस्पताल मृत्यु भएको हो ।

आईसीयू बेडको अभावका कारण ती महिलालाई रुपन्देहीबाट शुक्रबार राति साढे १० बजे बेलझुण्डी अस्पतालमा रेफर गरिएको थियो ।

उनलाई आईसीयूमा राखेर उपचार शुरु गरेपनि शनिबार बिहान मृत्यु भएको स्वास्थ्य कार्यालय दाङका कोरोना फोकल पर्सन कमल चन्दले बताए ।

बेलझण्डीको कोरोना अस्पतालमा ८४ बेड रहेको कोरोना अस्पतालमा ५ वटा आईसीयू बेड रहेको छ । शनिबार मृत्यु भएपछि अस्पतालमा ३ वटा आईसीयूमात्र खाली रहेको फोकलपर्शन चन्दले बताए ।

ती महिला उच्च रक्तचाप र मधुमेहको दीर्घ रोगी थिइन् ।