धनगढीमा एक कोरोना संक्रमित पुरुषको मृत्यु

धनगढी । धनगढीमा एक कोरोना संक्रमित पुरुषको मृत्यु भएको छ ।

सेती प्रादेशिक अस्पतालमा उपचाररत धनगढी उपमहानगरपालिका-३ का ५२ वर्षीय पुरुषको मृत्यु भएको हो ।

सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार उनको आइतबार बिहान २:२५ मिनेटमा मृत्यु भएको थियो । असोज २० गते कोरोना पुष्टि भएका उनी २३ गते मात्र सेती प्रादेशिक अस्पतालमा भर्ना भएका थिए ।

उनलाई शनिबार राती श्वासप्रस्वासमा समस्या देखीएपछी अक्सिजनमा राखीएको थियो । उनको उपचारकै क्रममै आइतबार बिहान मृत्यु भएको श्रेष्ठले बताए ।