लुम्बिनी प्रदेशमा कोरोनाको ‘हटस्पट’ बन्दै रुपन्देही

बुटवल । प्रदेश नम्बर ५ को अस्थायी राजधानीका रुपमा रहेको रुपन्देहीबाट अस्थायी राजधानी दाङ सार्ने निर्णय भएपनि प्रदेशमा कोरोना संक्रमणको राधानी भने कायम रहेको छ । अघिल्लो हप्ता सम्म २ अंकका दरले बढ्दै गएको कोरोना संक्रमण चालु हप्ताको प्राय सबै दिन ३ अंकका दरले कोरोना संक्रमित बढ्दै गएका छन् ।

सोमबार पनि रुपन्देहीमा ३ अंककै दरले कोरोना संक्रमित थपिएका छन् । सोमबार रुपन्देहीमा १ सय ५८ कोरोना संक्रमित थपिएको स्वास्थ्य कार्यालय रुपन्देहीले जनाएको छ । सोमबार पनि जिल्लामा सबै भन्दा बढी बुटवल उपमहानगरमा ९७ जना कोरोना संक्रमित थपिएका छन् । त्यसैगरि सिद्धार्थनगर र तिलोत्तमा नगरपालिकामा २३।२३ जना संक्रमित थपिएका छन् भने सैनामैनामा ५ जना, देवदहमा ४ जना, सुद्धोधनमा २ जना तथा रोहिणी, सियारी, कन्चन र ओमसतिया गाँउपालिकामा १।१ जना कोरोना संक्रमित थपिएका छन् ।

सोमबार थपिएसँगै रुपन्देहीमा कुल संक्रमितको संख्या ३८५० पुगेको छ । जिल्लमा ४१ जना संक्रमितको उपचारका क्रममा मृत्यु भएको छ । रुपन्देहीमा २५४४ जना कोरोना मुक्त भएर घर फर्केका छन् ।