मोरङ । मोरङमा कोरोना कोभिड-१९ को संक्रमणबाट थप एक महिलाको मृत्यु भएको छ ।
मोरङको सुन्दरहरैँचा नगरपालिकाकी ४९ वर्षीया कोरोना संक्रमित महिलाको नोबेल शिक्षण अस्पताल विराटनगरमा मृत्यु भएको हो ।
संक्रमित महिलाको उपचारका क्रममा मंगलबार साँझ करिब ७ बजे मृत्यु भएको अस्पतालका प्रबन्धक नारायण दाहालले जानकारी दिए ।
श्वासप्रश्वासमा समस्या रहेकी महिलाको आइतबार बेलुका स्वाब परीक्षणका क्रममा पोजिटिभ रिपोर्ट आएको उनले बताए । आइतबार बिहान मिर्गौलाको डाइलासिसका लागि अस्पताल भर्ना गरिएको अस्पताल प्रशासनले जनाएको छ ।
तर कोरोना पोजिटिभ पुष्टि भएपछि महिलालाई नोबेलकै कोभिड-१९ अस्पतालमा भर्ना गरिएको थियो । उच्च रक्तचाप, मधुमेह, र मिर्गौलाको समस्या रहेकी ती महिलाको कोभिडमा उपचारका क्रममा मृत्यु भएको थियो ।
प्रतिक्रिया