नेपालगन्ज मेडिकल कलेजमा उपचाररत रुकुमका कोरोना संक्रमित पुरुषको मृत्यु

नेपालगन्ज । नेपालगन्ज मेडिकल कलेजमा उपचाररत रकुमका एक जना कोरोना संक्रमितको मृत्यु भएको छ । स्वास्थ्य कार्यालय बाँकेले दिएको जानकारी अनुसार मेडिकल कलेजमा उपचाररत चौरझारी नगरपालिका-१४ का ३३ वषिर्य पुरुषको शुक्रबार बिहान ५ बजे मृत्यु भएको हो ।

स्वास्थ्यमा समस्या आएपछि असोज २१ गते मेडिकल कलेज कोहलपुरमा भर्ना भएका उनीमा कोरोनाको लक्षण देखिएपछि पीसीआर परीक्षण गराउँदा २२ गते कोरोना संक्रमण पुष्टि भएको थियो । भेन्टिलेटरको सहायतामा उपचाररत उनको आज बिहान ५ बजे मृत्यु भएको बाँके जिल्ला कोभिड-१९ संकट व्यवस्थापन केन्द्रका कोरोना फोकलपर्शन नरेश श्रेष्ठले बताए ।

आज भएको मृत्यु संगै अन्य जिल्लाबाट बाँकेमा उपचारका लागि पुगेका मध्य १३ जनाको ज्यान गएको छ ।