बुटवल । कोरोना भाइरस कोभिड-१९ को संक्रमणबाट बुटवल उपमहानगर पालिकाका एकजना कर्मचारीको मृत्यु भएको छ । बुटवल स्थित कोरोना बिशेष अस्पतालमा आज साँझ ६ बजे उप महानगरका ५औ तहका कर्मचारीको मृत्यु भएको हो ।
बुटवल कोरोना बिशेष अस्थायी अस्पतालमा आजै भर्ना भएका बुटवल उपमहानगरपालिका ८ कार्यालयमा कार्यरत ४९ वर्षका पुरुषको साझ ६ बजे मृत्यु भएको उपमहानगरका प्रमुख प्रशासकिय अधिकृत चक्रपाणी शर्माले पुष्टि गरेका छन् ।
असोज २७ गते कोरोना पोजेटिभ देखिएको उनी होम आइसोलेसनमा बसेका थिए ।
स्वास्थ्यमा समस्या देखिएपछी आज बिहान लुम्बिनी प्रादेशिक अस्पताल पुगेका उनले लामो समय कोरोना बिशेष अस्पतालमा बेड खालि नभएका कारण प्रादेशिक अस्पतालको फिबर क्लिनीकमा राखिएको थियो । विशेष अस्पतालको बेडमा रिफर गरेको केहिबेरमा उनको मृत्यु भएको अस्पताल श्रोतले जनाएको छ ।
उनको उपचारमा सबै प्रक्रिया अपनाउंदा पनि बचाउन नसकिएको लुम्बिनी प्रादेशिक अस्पतालका प्रवक्ता डा. विष्णु गौतमले बताए ।
बुटवल स्थित कोरोना विशेष अस्पतालको सबै बेड भरिएका छन् । गम्भिर प्रकृतिका कोरोना संक्रमित आए उपचार गर्ने स्थान नभएको अस्पतालले जनाएको छ ।
प्रतिक्रिया