नेपालगन्ज । माटोका भाँडाकुँडाहरुका पसल सडक किनारमा यत्रतत्र राखिएपनि पसलमै सजाएर भने राख्ने गरेको पाईँदैन, तर नेपालगन्जमा भने पहिलो पटक माटाका भाँडाका अत्याधुतिक शोरुम खुलेको छ । नेपालगन्जका स्थानीय युवा कशिम सिद्धिकीले माटोबाट निर्माण भएका भाँडाहरुको पहिलो पसल हाउस अफ क्लेको शोरुम शुभारम्भ गरेका छन् ।
नेपालगन्जमा खुलेको अत्याधुनिक शोरुमको पूर्वमन्त्री एवं प्रतिनिधिसभा सांसद मोहम्मद ईश्तियाक राई र नेपालगन्ज मेडिकल कलेजका एसोसिएट प्रोफेसर डा बिनोद कर्णले आईतबार संयुक्तरुपमा उद्घाटन गरे ।
५ प्रकारका प्रशोधित माटो प्रयोग गरि हातबाट निर्माण भएका कलात्मक भाँडाहरु शोरुममा राखिएका छन् । माटोको भाँडाहरुमा पकाईएका खानामा भएको पोषक तत्वहरू सतप्रतिशतनै संरक्षण हुने हुँदा स्वास्थ्यको लागि फाइदाजनक हुने पसलका प्रोप्राइटर काशिम सिद्धिकीले जानकारी दिए ।
नेपालमा माटोको भाँडाकाको यो नै पहिलो शोरुम भएको दाबी गरिएको छ । यस अघि नेपालगन्जको सडक किनारमा अब्यवस्थितरुपमा माटाका कच्चा भाँडाकुँडाबो बेचबिन हुँदै आएको थियो ।
प्रतिक्रिया