नेपालगन्ज । बाँकेमा एकै दिन दुई चरणमा गरि २२८ जनालाई डिस्चार्ज दिईएको छ । स्वास्थ्य तथा जनसंख्या मन्त्रालयको पछिल्लो परिपत्र अनुसार १० दिन आइसोलेसन बसेका लक्षण नदेखिएकाहरुलाई डिस्चार्ज दिने निर्देशन अनुसार डिस्चार्ज दिईएको स्वास्थ्य कार्यालय बाँकेले जनाएको छ ।
गत असोज २८ र २९ गते कोरोना पुष्टि भएर आइसोलेनमा बसेका ७१ जनालाई आईतबार साँझ दोस्रो चरणमा डिस्चार्ज दिईएको छ । आइृतबार बिहानै १५७ जना कोरोना संक्रमितलाई बिदाई गरिएको थियो ।
यसैबीच बाँकेमा आईतबार थप १३ जनामा कोरोना भाईरस संक्रमण थपिएका छन् । शुक्रबार र शनिबार संकलन गरिएको स्वावको रिपोर्ट अनुसार आईतबार १३ जनामा संक्रमण पुष्टि भएको जिल्ला कोभिड(१९ संकट ब्यवस्थापन केन्द्र बाँकेले जनाएको छ ।
भेरी अस्पतालको प्रयोगशालामा गरीएको परिक्षणमा आईत्बार बिहान बाँकेका ३ र नेपालगन्ज मेडिकल कलेज शिक्षण अस्पताल कोहलपुरमा गरीएको परिक्षणमा सांझ थप १० जनामा संक्रमण देखिएको हो । आज थपिएसँगै बाँकेमा कोरोना संक्रमितको कुल सँख्या २९९० पुगेको बाँकेका कोरोना फोकल पर्सन नरेश श्रेष्ठले जानकारी दिए ।
विभिन्न आइसोलेसन केन्द्रमा अब ३७५ सक्रिय संक्रमित उपचाररत छन् । बाँके जिल्लामा हालसम्म कोरोनाबाट संक्रमितको संख्या २ हजार ९९० रहेको छ भने ३० जनाको कोरोनाका कारण मृत्यु भईसकेको छ ।
आईतबार नै जिल्लामा
प्रतिक्रिया