दाङका थप एक कोरोना संक्रमित पुरुषको नेपालगञ्ज मेडिकल कलेजमा मृत्यु

नेपालगञ्ज । कोरोना संक्रमणबाट बाँकेमा उपचाररत दाङका कोरोना संक्रमित पुरुषको मृत्यु भएको छ ।

नेपालगञ्ज मेडिकल कलेज शिक्षण अस्पताल कोहलपुरमा उपचाररत दाङका एक पुरुष कोरोना संक्रमणका कारण मृत्यु भएको हो ।

कार्तिक ११ गते नेपालगञ्ज मेडिकल कलेज शिक्षण अस्पताल कोहलपुरमा भर्ना भएका घोराही उपमहानगरपालिका ४ का ७० वर्षीय कोरोना संक्रमित पुरुषको उपचारकै क्रममा आज बिहान ५ बजे मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।

योसँगै अन्य जिल्लाबाट कोरानाको उपचार गराउन बाँके आएका १८ जना संक्रमितको मृत्यु भएको छ ।