झापाका कोरोना संक्रमित पुरुषको धरानमा मृत्यु

धरान । झापाका कोरोना संक्रमित पुरुषको धरानमा मृत्यु भएको छ ।

कोरोना संक्रमणबाट झापाको गौरीगन्ज गाउँपालिका बस्ने ७३ वर्षीय एक वृद्ध पुरुषको शनिबार बिहान धरानमा मृत्यु भएको हो ।

कात्तिक ६ गते कोरोना संक्रमण पुष्टि भएपछि उनलाई  कात्तिक ७ गते बीपी कोइराला स्वास्थ्य विज्ञान प्रतिष्ठानको कोभिड अस्पतालमा भर्ना गरिएको थियो ।

प्रतिष्ठानका सहप्रवक्ता डा.आशिष श्रेष्ठका अनुसार मुटुसम्बन्धी दीर्घ रोगी वृद्ध पुरुषको बिहान ६ बजेर ४५ मिनेटमा मृत्यु भएको हो ।

योसहित प्रतिष्ठानको कोभिड अस्पतालमा उपचारको क्रममा मृत्यु हुनेको संख्या ७९ पुगेको छ ।