नेपालगञ्ज । लागु औषधको कारोबारमा कुख्यात नेपाल प्रहरीको खोजि सूचिमा रहेका कल्लुलाई भारतीय सीमा सुरक्षा बल (एसएसबी) र भारतीय प्रहरीले लागु औषध ब्राउन सुगर सहित पक्राउ गरेको छ । नेपाल भारत सीमाको मुख्य बजार भारतको रुपैडियाबाट कल्लु सहित अन्य तीन जना नेपालीलाई दुई सय ६० ग्राम ब्राउनसुगर सहित एसएसबी र भारतीय प्रहरीको संयुक्त टोलिले पक्राउ गरेको छ ।
नेपालगञ्ज उपमहानगरपालिका वडा नं. ११, त्रिभुवनचोकका कल्लुको साथबाट एक सय २० ग्राम ब्राउनसुगर बरामद भएको एसएसबीले जनाएको छ । कल्लु लागु औषध कारोबारकै मुद्दामा नेपाल प्रहरीको खोजीको सूचीमा रहेका व्यक्ति भएको बुझिएको छ ।
एसएसबीका अनुसार भारतीय प्रहरीले नेपालगञ्ज उपमहानगरपालिका वडा न. ८, रानीतलाउका पवनकुमारको साथबाट ८० ग्राम ब्राउनसुगर बरामद गरेको छ भने बर्दिया बढैयातालका रोहितचन्द्र ठकुरीको साथबाट ६० ग्राम ब्राउनसुगर बरामद गरेको छ ।
पक्राउ परेका तीनै जनाको विरुद्धमा भारतीय कानुन बमोजिम मुद्दा दर्ता गरेर कारबाही प्रक्रिया अघि बढाएको भारतीय प्रहरीले बताएको छ ।
प्रतिक्रिया