नेपालगन्ज । भारतीय अर्ध सैनिक बल एसएसबी ४२ औँ टोलीले डेढ किलो चरेससहित एक नेपालीलाई पक्राउ गरेको छ । सशस्त्र सीमा बल, बहराइचको डिप्टी कमाण्डेन्ट अप्रेशनको बोर्डर पोष्ट निबियाबाट प्राप्त सूचनाका आधारमा एसएसबी ४२ औँ टोलीले चरेस सहित एकजना नेपालीलाई पक्राउ गरेको हो ।
एसएसबी र रुपईडिहा प्रहरीको संयुक्त गस्तीका क्रममा भारतीय भूभागमा रहेको बोर्डर पोस्ट नं ६५१/०४ बाट रुकुमका भीमबहादुर रोकालाई पक्राउ गरिएको हो । रोकाले काँधमा झोला बोकेर गइरहेको अवस्थामा प्रहरीलाई देख्नासाथ खोज्दा गस्ती टोलीले पक्राउ गरेको हो ।
४२ औँ सशस्त्र सीमा बल बहराइच–१ का कार्यवाहक कमाण्डेन्ट राज रञ्जनले पक्राउ परेका रोकालाई आवश्यक कारबाहीका लागि बहराइच चलान गरिएको बताए ।
प्रतिक्रिया