नेपालगन्ज । बाँकेको कोहलपुरस्थित नेपालगन्ज मेडिकल कलेजमा आइतबार अर्का एक जना कोरोना संक्रमितको मृत्यु भएको छ ।
बर्दियाको गुलरिया नगरपालिका वडा नं. ३ निवासी ७७ वर्षीय पुरुषको नेपालगन्ज मेडिकल कलेज कोहलपुरमा उपचार गर्दागर्दै मृत्यु भएको जिल्ला कोभिड १९ संकट व्यवस्थापन केन्द्र बाँकेले जनाएको छ ।
स्वास्थ्यमा समस्या आएपछि यही मंसिर ५ गते मेडिकल कलेजको प्रि आइसोलेसन वार्डमा भर्ना गरिएका ती पुरुषको स्वाव परीक्षण गर्दा कोरोना पुष्टि भएको थियो । उनलाई सबैप्रकारका उपचार विधि अपनाएर उपचार गर्दागर्दा आइतबार बिहान ३ बजेर ४५ मिनेटमा मृत्यु भएको अस्पतालले जनाएको छ ।
यससँगै बाहिरी जिल्लाबाट बाँकेमा आएर उपचार गराउँदा गराउँदै मृत्यु हुनेको संख्या ४७ पुगेको छ ।
प्रतिक्रिया