नेपालगञ्ज । नेपालगञ्जस्थित भेरी अस्पतालमा उपचाररत थप एक जना कोरोना संक्रमितको मृत्यु भएको छ ।
बर्दियाको गेरुवा गाउँपालिका-४ की ५२ वर्षीया महिलाको उपचारको क्रममा आइतबार दिउँसो ३ः५५ बजे मृत्यु भएको हो ।
बाँकेका कोरोना फोकल पर्सन तेज ओलीका अनुसार कोरोना संक्रमण पुष्टि भएपछि चैत ३१ गते उनी अस्पतालमा भर्ना भएकी थिइन् ।
यसअघि ३ घण्टाका बीचमा भेरी अस्पतालमा ३ जना कोरोना संक्रमितको मृत्यु भएको थियो ।
ओलीका अनुसार बाँकेमा उपचारका लागि बाहिरी जिल्लाबाट आएर ज्यान गुमाउने कोरोना संक्रमितको संख्या ९७ पुगेको छ ।
प्रतिक्रिया