काठमाडौं । भारतीय विदेश सचिव भारतका विदेशसचिव हर्षवर्धन श्रृंगलाले नेपाल र भारत मिलेर अघि बढ्नुको विकल्प नभएको बताएका छन् ।
सियन इनस्टिच्युट अफ डिप्लोमेसी एण्ड इन्टरनेशनल अफेयर्सले शुक्रबार काठमाडौंमा गरेको कार्यक्रममा भारतीय विदेशसचिव श्रृंगलाले दुई देशबीच अझ मजबुद सहकार्य आवश्यक रहेको बताएका छन् ।
श्रृंगलाले दुई मलुकको सम्बन्ध थप मजबुतीका लागि विकास सहायता, मजबुत कनेक्टिभिटी, वृहत पूर्वाधार र आर्थिक परियोजनाहरु चार खम्बा भएको टिप्पणी गरे ।
उनले नेपाल र भारतबीच रहेको जनस्तरको सम्बन्ध र आपसी हितलाई मध्यनजर गर्दै द्विपक्षीय सहायता तथा सहकार्यलाई थप अघि बढाइने जनाए । भारत र नेपालबीच रहेको विभिन्न संयन्त्रहरु अब नियमित र क्रियाशील भएको उनले बताए ।
भारतीय विदेशसचिव श्रृंगलालले कोरोना महामारीको संकटपूर्ण अवस्थामा दुवै देश सँगै मिलेर लड्नुपर्नेमा जोड दिए । । भारत संसारकै सबैभन्दा ठूलो खोप उत्पादक मुलुक भएको दाबी गर्दै उनले नेपालको खोप आवश्यकता पुरा गर्ने भारतको प्राथमिकता हुने प्रतिवद्धता जनाए ।
प्रतिक्रिया