नेपालगन्ज । काठमाडौमा नेपाल कम्युनिष्ट पार्टी [नेकपा]मा विग्रहपूर्ण बहस चलिरहेका बेला नेपालगन्जमा सयौंको संख्यामा पूर्व राजा समर्थकहरु जम्मा भएर गणतन्त्रको विरोधमा प्रदर्शन गरेका छन् ।
उनीहरुले गणतान्त्रिक व्यवस्थाले देशलाई भ्रष्टाचारको दलदलमा पु-याएको भन्दै हिन्दु राष्ट्र र राजसंस्थाको पक्षमा नारा समेत लगाएका छन् । बाँकेको काहेलपुरबाट मोटरसाईकलसहित निस्केको जुलुसले नेपालगन्ज नगरको बिभिन्न भागहरु परिक्रमा गरेको थियो ।
हिन्दु राष्ट्रवादीको आयोजनामा बाँकेको कोहलपुरबाट सुरु भएको मोटरसाईलक -याली नेपालगन्जको बागेश्वरी मन्दिर, न्युरोड, पुष्पलाल चोक, सुर्खेतरोड़को वीरेन्द्र चोक, वीपी चोक, गणेशमान चोक, चार बाहिनी चोक, भेरी अस्पताल, त्रिभुवन चोक, सदरलाइन हुँदै धम्बोझी चोकसम्म नगर परिक्रमा गरेको थियो । नेपालको राष्ट्रिय झन्डासहित यालीमा सहभागी भएका युवाहरुले हिन्दु राष्ट्र र राजसंस्थाका पक्षमा नारा लगाएका थिए ।
राष्ट्रको राज्य संचालनको बागडोर सम्हालेको नेकपामा विग्रहपूर्ण अस्वस्थ बहस चलिरहेका बेला तथा एम्नेष्टि ईण्टरनेशनलको प्रतिबेदनमा एसियामै भ्रष्टाचारको अग्रथानमा नेपालको नाम सुचिकृत भएको अवस्थामा राजावादीहरुले नेपालगन्जमा निकालेको प्रदर्शनलाई अर्थपूर्ण रुपमा हेरिएको छ ।
प्रतिक्रिया