काठमाडौं । प्रधानमन्त्री केपी शर्मा ओली र चिनियाँ स्टेट काउन्सिलर एवं रक्षामन्त्री वेइ फेङ्हेबीच भेटवार्ता भएको छ ।
नेपाल भ्रमणकोक्रममा आइतबार बिहान काठमाडौं आइपुगेका रक्षामन्त्री वेइले प्रधानमन्त्री निवास बालुवाटार पुगेर प्रधानमन्त्री ओलीसँग भेटवार्ता गरेका हुन् ।
प्रधानमन्त्री ओलीले यतिबेला रक्षामन्त्रीको समेत कार्यभार सम्हालिरहेका छन् ।
वेइलाई तत्कालिन रक्षामन्त्री एवं उपप्रधानमन्त्री इश्वर पोखरेलले गत वर्ष चीन भ्रमणका क्रममा नेपाल भ्रमणको निम्तो दिएका थिए ।
यसअघि वेइले जंगी अड्डामा प्रधानसेनापति पूर्णचन्द्र थापासँग भेटवार्ता गरेका थिए ।
वेइले अन्तिम भेट राष्ट्रपति विद्यादेवी भण्डारीसँग गर्नेछन् । त्यसपछि उनी आजै बंगलादेशका लागि प्रस्थान गर्नेछन् ।
प्रतिक्रिया