नेपालगन्ज । कोरोना भाइरसका कारण मलेसियामा रहेका एकजना नेपालीको मृत्यु भएको छ ।
मलेसियाको केलाङ मेरुस्थित टप ग्लोभ कम्पनीमा सेक्युरिटी गार्डमा कार्यरत नवलपरासीका याम नारायण चौधरीको मृत्यु भएको हो ।
दुई बर्षदेखि सोही कम्पनीमा काम गर्दै आएका चौधरी रुघाखोकी, ज्वरो, श्वासप्रश्वास समस्या देखिएपछि नोभेम्बर २१ तारिखमा अस्पतालमा भर्ना भएका थिए ।
यता बाँकेमा उपचारकालागि कञ्चनपुरबाट बाँके पुगेका १ जना पुरुषको पनि कोरोना संक्रमणका कारण मृत्यु भएको छ । भिमदत्त नगरपालिका १५ गोबरियाका ५४ वर्षीय पुरुषको गयराती १२ः३० बजे मृत्यु भएको डीसीसीएमसी बाँकेले जनाएको छ ।
मंसिर २२ गते भर्ना भएका उनलाई रेम्डिशिवीर, प्लाज्मा थेरापी, एन्टिबायोटिक, भेन्टिलेटर लगायतको बिधिबाट उपचार गरिएकै अवस्थामा मृत्यु भएको डीसीसीएमसी बाँकेका कोरोना फोकलपर्शन तेज ओलीले जानकारी दिए ।
आज मृत्यु भएसँगै बाँकेमा बाहिरी जिल्लाका कोरोना संक्रमितको मृत्यु हुनेको संख्या ६९ पुगेको छ ।
प्रतिक्रिया