काठमाडौं । संघीय संसदमा रहेका नेपाल कम्युनिष्ट पार्टीको प्रचण्ड–नेपाल निकट सांसदहरुको भेला सुरु भएको छ ।
संसद भवन नयाँ वानेश्वरको लोत्से हलमा आयोजित भेलालाई अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल र झलनाथ खनालले सम्बोधन गर्ने कार्यक्रम रहेको छ ।
नेकपाका बुहमत सांसदहरु उपस्थित सो भेलामा प्रधानमन्त्री एवं पार्टी अध्यक्षले चालेको असंवैधानिक कदमका विरुद्ध कसरी अघि बढ्ने भन्नेबारेमा छलफल हुने छ ।
प्रचण्ड नेपाल समुहले हिजै पार्टीको स्थायी कमिटी बैठकमार्फत ओलीको संसद विघटन गर्ने कदमलाई गैरसंवैधानिक र अलोकतान्त्रि भएको निस्कर्ष निकाल्दै उनलाई अनुशासनको कारवाही गर्ने निर्णय गरेको थियो ।
हिजो बिहान नेकपाकै ९० जना सांसदहरुले ओली विरुद्ध संसद सचिवालयमा अविश्वासको प्रस्ताव समेत दर्ता गराएका थिए ।
भेला सुरु हुनु अघि सांसदहरुको हस्ताक्षर संकलन गरिएको थियो । त्यसअघि प्रचण्ड, नेपाल खनालसहितका नेताहरुले कानुन व्यवसायीहरुसँग छलफल गरेका थिए ।
प्रतिक्रिया