काठमाडौं । प्रतिनिधिसभा विघटन गरेका प्रधानमन्त्री केपी शर्मा ओलीले मन्त्रिपरिषद् विस्तार गरेपछि नेकपा नेता भीम रावलले ओली निरंकुश शासक बनेको टिप्पणी गरेका छन् ।
नेकपाको प्रचण्ड–नेपाल पक्षीय नेता रावलले सामाजिक सञ्जाल ट्वीटरमा ट्वीट गर्दै ओलीले मन्त्रिपरिषद विस्तार गरेर संविधान र लोकतन्त्रको खिल्ली उडाएको बताएका हुन् ।
रावलले भनेका छन्, ‘आफै चुनावको मिति तोकेर पनि पदबाट राजीनामा नदिई उल्टै निनरंकुश शासक झैं मन्त्रिपरिषद्को विस्तार गरेर संविधान र लोकतन्त्रको खिल्ली उडाएका छन्।’
उनले चुनावको मिति तोकेर पदबाट राजीनामा दिनुको सट्टा निरंकुश शासक झैं मन्त्रिपरिषद विस्तार गरेको आरोप लगाएका छन्।
स्वेच्छाचारी चरित्र र पदको उन्माद ओली आफैंले पर्दाफास गरेको रावलको टिप्पणी छ।
प्रधानमन्त्री ओलीले शुक्रबार मन्त्रिपरिषद विस्तार गरेका थिए । तर सरकारको आलोचक संविधानमामिला जानकारहरुले भने प्रतिनिधिसभा विघटन गरेपछि सरकार स्वतः कामचलाउ भएका कारण उनले मन्त्रिपरिषद विस्तार गर्न नपाउने जिकिर गर्दै आएका छन् ।
देश, जनता र पार्टीप्रति विश्वासघात र संविधानमाथ घात गर्ने प्रधानमन्त्री ओलीले आफै चुनावको मिति तोकेर पनि पदबाट राजीनामा नदिई उल्टै निनरंकुश शासक झैं मन्त्रिपरिषद्को विस्तार गरेर संविधान र लोकतन्त्रको खिल्ली उडाएका छन्।आफ्नो स्वेच्छाचारी चरित्र र पदको उन्माद आफै पर्दाफास गरेकाछन्।
— Bhim Rawal, PhD (@BhimRawal179) December 26, 2020
प्रतिक्रिया