काठमाडौं । राष्ट्रपति विद्यादेवी भण्डारीले यही पुस १७ गते राष्ट्रिय सभाको अधिवेशन आह्वान गरेकी छिन् ।
राष्ट्रपति भण्डारीले नेपालको संविधानको धारा ९३ को उपधारा १ बमोजिम पुष १७ गते अपरान्ह ४ बजे राष्ट्रिय सभाको अधिवेशन आह्वान गरेको राष्ट्रपति कार्यालयले जनाएको छ ।
सरकारले राष्ट्रिय सभाको अधिवेशन आह्वानका लागि राष्ट्रपति समक्ष सिफारिस गरेको थियो । संघीय संसदको दुई वटा अधिवेशनको बीचको अवधी बढीमा ६ महिना मात्रै भएकोले सरकारले अधिवेशन आह्वान गर्न बाध्यामक अवस्था आइलागेको थियो । यसअघिको संसद् अधिवेशन असार तेस्रो साता अन्त्य भएको थियो ।
प्रधानमन्त्री केपी शर्मा ओलीले प्रतिनिधिसभा भने पुष ५ गते विघटन गरिसकेका छन् । यद्यपी, यसबारेको मुद्दा अदालतमा विचाराधीन छ ।
प्रतिक्रिया