काठमाडौं । नेपाली काँग्रेसका सभापति शेरबहादुर देउवाले अदालतमा विचाराधीन मुद्दामा आफुहरु नबोल्ने बताएका छन् ।
प्रतिनिधिसभा विघटनको विरोधमा काँग्रेसले भक्तपुरमा आयोजना गरेको विरोध प्रदर्शनपछि आयोजित सभालाई सम्बोधन गर्दै सापति देउवाले संसद विघटनबारे अदालतको जस्तोसुकी निर्णय आएपनि मान्ने बताएका हुन् ।
देउवाले संसद विघटनको मुद्दा अदालतमा विचाराधीन भएका कारण आफुहरुले अहिले पुनस्र्थापनाको पक्ष या विपक्षमा नबोल्ने स्पष्ट पारेका हुन् । उनले भने, ‘अदालतमा विचाराधीन मुद्दा जो छ त्यसमा हामी केही बोल्ने छैनौं, न यता न उता । अदालतलाई धम्क्याएर, तर्साएर निर्णय गराउने त होइन।’
सभापति देउवाले अदालतप्रति भरोसा रहेको भन्दै सरकारले बदमासी गरेपनि अन्तिम न्याय दिने निकाय अदालत भएका कारण न्यायालयबाट जे निर्णय आउँछ त्यो मान्ने बताएका हुन् । काँग्रेसले जहिले पनि स्वतन्त्र न्यायालयलाई सम्मान गर्दै आएको उनले बताए ।
तर, सभापति देउवाले संसद विघटन गर्ने सरकारको निर्णय असंवैधानिक एवं अलोकतान्त्रिक भएको बताए । संसद विघटन र यसपछिको अवस्थाबारे पार्टीको केन्द्रीय कार्यसमितिको बैठकले टुंगो लगाउने उनले बताए ।
प्रतिक्रिया