बाँके । बाँकेमा कोरोना संक्रमणबाट थप एक पुरुषको मृत्यु भएको छ ।
खजुरा गाउँपालिका-७ का ८८ वर्षीय पुरुषको बिहान ३ः२० बजे मृत्यु भएको जिल्ला कोभिड-१९ संकट व्यवस्थापन केन्द्रले जनाएको हो ।
ती पुरुषको उपचारका क्रममा भेरी अस्पताल नेपालगन्जमा मृत्यु भएको हो ।
स्वास्थ्यमा समस्या आए पछि कोरोना संक्रमणकोआशंकामा गत मंसिर ३० गते भेरीमा पिसिआर परिक्षण गर्दा सोही दिन रिपोर्ट पोजेटिभ आएको थियो ।
रिपोर्ट आए लगत्तै उनको रोगको प्रकृति अनुसार उपचार गर्दा गर्दै उपचार कै क्रमा उनको मृत्यु भएको अस्पताल श्रोतले पुष्टि गरेको हो ।
यो सँगै बाँकेमा कोरोना संक्रमणबाट मृत्यु हुनेको संख्या ४६ पुगेको छ ।
प्रतिक्रिया