काठमाडौं । शिक्षा, विज्ञान तथा प्रविधिमन्त्री कृष्णगोपाल श्रेष्ठले ताजा जनादेशका लागि जनतामा जाने कदम कसरी अलोकतान्त्रिक हुन्छ भन्दै प्रश्न गरेका छन् ।
नेकपा काठमाडौं, ओली पक्षले आयोजना गरेको कार्यक्रममा सम्बोधन गर्दै मन्त्री श्रेष्ठले यस्तो बताएका हुन् ।
मन्त्री श्रेष्ठले पुष्पकमल दाहाल र प्रचण्ड फरक-फरक भएको दाबी गरे । नेकपा एमालेसँग एकता गर्दा पुष्पकमल दाहाल भएका उनी फेरि प्रचण्डको रुपमा गलत रूप लिएको दाबी उनले गरे ।
सडकमा पुष्पकमल दाहाल प्रचण्डले छातीमा सूर्य टाँसेर हिँड्दैमा उनीहरुले चिन्ह र आधिकारिकता नपाउने भन्दै मन्त्री श्रेष्ठले प्रधानमन्त्री केपी शर्मा ओलीले सूर्य चिन्ह दिएमात्रै प्रचण्डले पुष्पकमल भएर चुनाव लड्ने बताए ।
कार्यक्रममा मन्त्री श्रेष्ठले नेकपाको मुलधार र त्यसको संस्थापन प्रधानमन्त्री ओली भएको बताए । पाहुना लागेकाहरुले मुलघरबाट ओलीलाई निकालेको घोषणा गरेको भन्दै उनले व्यङ्ग्य गरे ।
प्रतिक्रिया