१५ चैत्र २०८०, बिहिबार | March 29, 2024

कांग्रेसको दोस्रो चरणको आन्दोलन कार्यक्रम घोषणा : आन्दोलन ओलीलक्षित हुने



काठमाडौं । संसद विघटनको बिरुद्ध आन्दालन गर्ने वा नगर्ने विषयमा अनिर्णयको बन्दी बनेको नेपाली कांग्रेसले अन्ततः प्रधानमन्त्री केपी शर्मा ओलीले गरेको संसद विघटनको विरोधमा दोस्रो चरणको देशव्यापी आन्दोलन घोषणा गरेको छ।

आइतबार बसेको पार्टीको केन्द्रीय कार्यसमिति बैठकले पुस २५ गतेदेखि दोस्रो चरणको आन्दोलन गर्ने निर्णय गरेको कांग्रेस केन्द्रीय कार्यालयले जनाएको छ ।

सर्वोच्च अदालतमा विचाराधिन मुद्दा भन्दै आन्दोलनको घोषणा गर्न हिच्कीचाएका कांग्रेस सभापति शेर बहादर देउवाले पनि आजको बैठकमा आन्दोलन शसक्त बनाउने पक्षमा बोलेका थिए । सभापति देउवा सहित वरिष्ठ नेता रामचन्द्र पौडेल, महामन्त्री पूर्णबहादुर खड्का, कृष्ण सिटौला र जीवनबहादुर शाही सबैले आन्दोलन गर्नुपर्ने धारणा राखेका थिए।

यस अघि अदालतमा विचराधिन मुद्दा भन्दै फरक फरक धारणा सार्वजानिक गरेको कांग्रेसले अब भने संसद पुनर्स्थापना भएपनि नभएपनि आन्दोलनमा जानुपर्छ भन्नेमा सबै नेताहरुको एक मत हुन गएको पार्टीले जनाएको छ । बैठकमा सभापति देउवाले आन्दोलनको विषयमा दुईवटा प्रस्ताव गरेका थिए।

देउवाको प्रस्तावमा प्रधानमन्त्री ओलीको संसद विघटनका बिरुद्ध आन्दोलन पनि गर्ने र चुनावी तयारी पनि गर्देजाने उल्लेख छ । ‘संसद विघटन गर्ने ओली कदम असंवैधानिक, अलोकतान्त्रिक र अधिनायकवादी प्रवृत्तिको छ यसविरुद्ध आन्दोलन गर्नुपर्छ,’ बैठकमा देउवाले भनेका थिए, ‘यदि संसद पुनर्स्थापना नभएमा चुनावको तयारी पनि गर्नुपर्छ। ओलीले चुनाव नगरे उनलाई हटाउन पनि दबाब दिनुपर्छ। अबको आन्दोलन ओलीलक्षित हुन्छ।’

बैठकमा वरिष्ठ नेता पौडेल र कृष्ण सिटौलाले पार्टी आन्दोलनमै केन्द्रित हुनुपर्नेमा जोड दिएका थिए।

नेपाली कांग्रेसले सर्वोच्च अदालतले संविधानको अक्षर, भावना, मर्म अनुसार फैसला गर्दै ओलीका असंवैधानिक कदम सच्याउने यस अघि नै विश्वास लिएको धारणा सार्वजानिक गरेको थियो ।

कांग्रेसले पहिलो चरणको आन्दोलनको कार्यक्रम अन्तर्गत गत पुस १३ गते १६५ संघीय निर्वाचन क्षेत्रमा विरोध प्रदर्शन गरेको थियो।

आन्दोलनका कार्यक्रमः
पुस २५ गते देशभरका ३३० प्रदेश सभा क्षेत्रमा सरकारविरूद्ध प्रदर्शन

माघ ३ गते ७५३ स्थानीय तहमा प्रदर्शन

माघ ८ गते ६ हजार सात सय ४३ वडामा प्रदर्शन

प्रकाशित मिति : १९ पुस २०७७, आइतबार  १० : ०९ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका