प्रधानमन्त्रीको विशेष आर्थिक सल्लाहकारमा पूर्व उद्योग, वाणिज्य तथा आपूर्ति राज्यमन्त्री मोतिलाल दुगड नियुक्त

काठमाडौं । प्रधानमन्त्री केपी शर्मा ओलीले पूर्व उद्योग, वाणिज्य तथा आपूर्ति राज्य मन्त्री मोतिलाल दुगडलाई  विशेष आर्थिक सल्लाहकार नियुक्त गरेका छन् । प्रधानमन्त्री ओलीले आइतबार दुगडलाई आफ्नो विशेष आर्थिक सल्लाहकारको रुपमा नियुक्त गरेका हुन् ।

यसअघि उनी उद्योग, वाणिज्य तथा आपूर्ति राज्य मन्त्री रहेका थिए । दुगड उद्योग, वाणिज्य तथा आपूर्ति राज्य मन्त्री हुँदा राम्रो काम गरेकोले प्रधानमन्त्रीले प्रमुख आर्थिक सल्लाहकारमा नियुक्त गरेको बालुवाटार स्रोतले जनाएको छ ।

यसअघि प्रधानमन्त्री केपी शर्मा ओलीले आफ्नो विशेष आर्थिक सल्लाहकारमा पूर्व अर्थमन्त्री डा.युवराज खतिवडालाई नियुक्त गरेका थिए । यद्यपी खतिवडा अमेरिकाको राजदूत नियुक्ति दिएसँगै आर्थिक सल्लाहकारको पद रिक्त रहँदै आएको थियो । सो स्थानमा प्रधानमन्त्री ओलीले अहिले दुगडलाई ल्याएका हुन् ।