काठमाडौं । चर्चित कार्यक्रम ‘सीधा कुरा जनतासँग’ का सञ्चालक रवि लामिछानेले न्युज २४ टेलिभिजन छाडेकाे घाेषणा गरेका छन ।
फेसबुकमार्फत लामिछानेले भोलिबाट न्यूज २४ बाट विश्राम लिएको जानकारी गराएका छन ।
कार्यक्रम ‘सिधा कुरा जनतासँग’ मार्फत जनजनको मनमा बस्न सफल प्रस्तोता लामिछाने निकट भविष्यमा प्रसारण हुने अर्को टेलिभिजनमार्फत अगाडि आउने स्रोतले बताएको छ ।
भोलि प्रसारण हुने कार्यक्रमसँगै न्यूज टेलिभिजनसँगको सुखद सहयात्राबाट विश्राम लिएको भन्दै उनले सबैलाई धन्यवाद दिएका छन् ।
उनले फेसबुकमा लेखेका छन्, ‘भोलि प्रशारण हुने कार्यक्रमसँगै न्युज २४ टेलिभिजन सँगको सुखद सहयात्राबाट विश्राम लिदैछौ । यो साथ, सहयोग र अवसरका लागि सम्पुर्ण न्युज २४ परिवार सहित अध्यक्ष आदरणीय अनिल जोशी ज्यु तथा निर्देशक अदिश जोशी ज्यु प्रति आभार व्यक्त गर्दछु ।
मलाई विश्वास गरि मार्गदर्शन समेत गर्नु हुने आदरणीय निर्मल राज पौडेल र निता पौडेल तथा सम्पुर्ण वेलकम ग्रुप प्रति विशेष आभार व्यक्त गर्दछु ।
प्रतिक्रिया