धनगढी । पार्टीद्वारा आयोजित जनसभालाई सम्बोधन गर्न नेपाल कम्युनिष्ट पार्टी नेकपाको प्रचण्ड–नेपाल पक्षका अध्यक्ष पुष्पकमल दाहाल प्रचण्ड र माधवकुमार नेपाल धनगढी पुगेका छन् ।
सुदुरपश्चि प्रदेशको राजधानी धनगढीमा आज आयोजना हुन लागेको जनसभालाई अध्यक्षद्वय प्रचण्ड र नेपालले सम्बोधन गर्ने कार्यक्रम रहेको छ ।
अध्यक्ष प्रचण्ड शनिबार बिहान बुद्ध एयरको जहाजमार्फत धनगढी पुग्दा सुदुरपश्चिम प्रदेश इन्चार्ज भीम रावल र नेताहरु एवं मुख्यमन्त्री त्रिलोचन भट्टसहित मन्त्रीहरुले स्वागत गरेका छन् । अर्का अध्यक्ष माधवकुमार नेपाल भने हिजै धनगढी पुगेका थिए ।
गत पुष ५ गते नेकपामा आएको विभाजनसँगै प्रचण्ड–नेपाल पक्षले सुदुरपश्चिम प्रदेशमा पहिलो विशाल सभा गर्न लागेको हो । यसअघि ओली पक्षले धनगढीमै सभा गरिसकेको छ ।
सभामा ५० हजार भन्दा बढीको जनसहभागिता हुने नेकपाले दाबी गरेको छ ।
प्रतिक्रिया