११ बैशाख २०८१, मंगलबार | April 23, 2024

माओवादी अध्यक्ष प्रचण्ड र एमाले वरिष्ठ नेता नेपालबीच भेटवार्ता



काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका वरिष्ठ नेता माधवकुमार नेपालबीच भेटवार्ता भएको छ ।

कोटेश्वरस्थित नेता नेपालको निवास नजिकको एक घरमा भएको भेटवार्तामा प्रचण्डले दलहरुबीच हालसम्म जारी गठबन्धनको विषयमा छलफल गरेका छन् । नेता नेपालको आफ्नै पार्टीको संस्थापन पक्षसँग सहमतिका लागि प्रयास जारी रहेका बेला भएको भेटलाई अर्थपूर्ण रुपमा मानिएको छ । प्रचण्डले दुई दिन अघि बसेको माओवादी स्थायी समिति बैठकमा नेपाल पक्ष अब सरकारमा आउने सम्भावना नरहेको बताएका थिए । सोही दिन बिहान पनि उनले नेपाललाई भेट गरेका थिए ।

नेपाल पक्षकै कारण सत्तारुढ गठबन्धन मन्त्रिपरिषद् विस्तार गर्न अलमलमा परेको छ । दुई नेताबीचको आजको वार्तालाई सरकारमा सहभागी हुने या नहुने विषयको निर्णायक वार्ता पनि मानिएको छ । नेपाल पक्षभित्र सरकारमा जानुपर्ने र सरकारमा जान नहुने विषयमा समेत विवाद रहेको छ । उता, नेपाल पक्षलाई केही ठाउँ खाली छोड्दै संस्थापन पक्षले एमालेको संगठनात्मक गतिविधिलाई अघि बढाइसकेको । अध्यक्ष केपी शर्मा ओलीले नेपाललाई देशद्रोही गद्दारसम्मको आरोप लगाएका छन् । यद्यपी, ओली पक्षकै एकता चाहने नेताहरुले भने अझै पनि नेपालसहित उनी पक्षलाई पार्टीमा समाहित गर्नुपर्ने बताइरहेका छन् ।
नेता नेपाल र ओलीबीच आजै भेट गराउन एमालेको संस्थापन पक्ष र नेपाल पक्षका वार्ताकारहरुले प्रयास गरिरहेका छन् ।

प्रकाशित मिति : १९ श्रावण २०७८, मंगलबार  १० : २७ बजे

कतारमा पानी निर्यातको अवसर

काठमाडौं । नेपालले पानी निर्यात गरी आर्थिक समृद्धि हासिल गर्नसक्ने

गाजा युद्धको विषयमा अमेरिकी विश्वविद्यालयहरूमा विरोध बढ्दै

काठमाडौं । अमेरिकाको कोलम्बिया युनिभर्सिटीदेखि येल युनिभर्सिटी र अन्य राज्यका

कतारका अमिर नेपालमा, राष्ट्रपति पौडेलबाट स्वागत

काठमाडौं । मित्रराष्ट्र कतारका अमिर शेख तमिम विन हमाद अल

सांस्कृतिक र पर्यटन उपभोग प्रवर्द्धन गर्न चीनको पहल सुरु

गुआङझोउ । चीनमा सांस्कृति तथा पर्यटन मन्त्रालयले सांस्कृति तथा पर्यटन

६ नेपाली महिला क्रिकेट खेलाडी मलेसिया प्रस्थान

काठमाडौं । मलेसियाको सुपर वुमेन्स कप खेल्ने ६ नेपाली राष्ट्रिय