काठमाडौं । मुख्यमन्त्री डोरमणी पौडेल विरुद्धको अविश्वासको प्रस्तावमाथि छलफल हुने अपेक्षा गरिएको बागमती प्रदेशसभाको बैठक एका बिहानै सूचना टाँस गरी स्थगित गरिएको छ । विशेष कारणवश भन्दै बिहानै सूचना टाँस गरी आगामी फागुन १ गते सम्मका लागि प्रदेशसभा बैठक स्थगन भएको हो ।
सोमबार दिउँसो २ बजेका लागि निर्धारित बैठक विशेष कारणवश बस्न नसक्ने जनाउँदै सूचना टाँस गरी स्थगन भएको प्रदेशसभा सचिवालयद्वारा जारी सूचनामा जनाइएको छ । तर विशेष कारण के हो भन्ने बिषय सचिवालयले उल्लेख गरेको छैन ।
प्रदेशसभा सचिवालयको सुचना अनुसार विशेष कारण स्थगित गरिएको बैठक आगामी फागुन २ गते दिउँसो २ बजेका लागि आह्वान गरिएको छ ।
माघ ९ गते बसेको प्रदेशसभाको पहिलो बैठकमा मुख्यमन्त्री डोरमणि पौडेलविरुद्ध दर्ता भएको अविश्वास प्रस्तावमाथि कार्यविधिमाथि सामान्य छलफल र दर्ता प्रक्रियालाई पुरा गरे लगत्तै स्थगित भएको थियो ।
बैठक बस्नु अगाडी कार्यब्यवस्था समितिको बैठकले अविश्वासको प्रस्तावको छलफलको कार्यबिधि बनाउने र आगामी बैठकमा मुख्यमन्त्री पौडेलविरुद्ध दर्ता भएको अविश्वासको प्रस्तावको प्रक्रियामाथि छलफल प्रारम्भ हुने बताइएको छ ।
बागमती प्रदेशसभामा नेकपाका ८०, नेपाली कांग्रेसका २२, साझा विवेकशील दलका तीन, राप्रपाका दुई, नेपाल मजदूर किसान पार्टीका दुई र स्वतन्त्र एक गरी ११० सदस्य रहेका छन् ।
प्रतिक्रिया