काठमाडौं । प्रचण्डनेपाल नेतृत्वको नेपाल कम्युनिष्ट पार्टी नेकपाले गर्न लागेको विरोध प्रदर्शन र सभाका कारण काठमाडौं उपत्यकाको ट्राफिक बिहानदेखि अस्तव्यस्त हुनेभएको छ ।
प्रचण्ड नेपाल नेकपाले गर्न लागेको आज उपत्यकामा काठमाडौं बाहिरबाट ठूलो संख्यामा कार्यकर्ता, समर्थकहरु उतार्दैछ । प्रतिनिधिसभा विघटनको विरोधमा गर्न लागेको विरोध प्रदर्शनमा २ लाख बढीको सहभागिता हुने दाबी गरेको नेकपाले उपत्यकाका विभिन्न स्थानबाट जुलुस निकाल्दैछ । जसका कारण बिहानदेखि नै चक्रपथभित्रको ट्राफिक अस्तव्यस्त हुनेभएको हो ।
बिहान ११ बजेदेखि जुलुस प्रदर्शन हुनेभएपनि काठमाडौं बाहिरबाट आएका ठूलो समुह चक्रपथभित्र छिर्न थालिसकेका छन् । पुल्चोक, त्रिपुरेश्वर, माइतीघर, केशरमहल, र जमलबाट जुलुस निकाल्ने नेकपाले तयारी गरेको छ । जुलुसको नेतृत्व नेकपाका शिर्ष नेताहरुले गर्दैछन् ।
जुलुस रत्नपार्क र भद्रकाली सडकको बीचमा मुलसडकमै विरोध सभामा परिणत हुनेछ । काठमाडौंको मुख्य केन्द्रको मूल सडकमै सभा हुनेभएपछि ट्राफिक बेलुकासम्मै अस्तव्यस्त हुनेभएको हो ।
टुँडिखेल वरिपरिको सडक बन्द हुँदा त्यसको चाप रामशाहपथ पुतलीसडक सडकलाई पर्ने ट्राफिक प्रहरीले जनाएको छ । ट्राफिक प्रहरी महाशाखाले र्याली, जुलुस र आमसभा हुने स्थानलाई छोडेर वैकल्पिक मार्ग प्रयोग गर्न आग्रह गरेको छ ।
प्रतिक्रिया