१६ चैत्र २०८०, शुक्रबार | March 29, 2024

संघिय सरकारले घोषणा गरेको आम निर्वाचन हुन १ महिना बाँकी रहँदा लुम्बिनी प्रदेश सरकारले लगानी सम्मेलन गर्दै



बुटवल । संघिय सरकारले बैशाख १७ र २७ गते प्रतिनिधिसभाको निर्वाचन घोषणा गरेर प्रधानमन्त्री चुनावी दौडाहामा रहेकै बेला लुम्बिनी प्रदेश सरकारले भने चैत्र १९ र २० गते प्रदेश लगानी सम्मेलनको घोषणा गरेको छ । प्रदेश सरकारको मन्त्रिपरिषदको आज बसेको बैठकले चैत्र १९-२० गते प्रदेशमा लगानी सम्मेलन गर्ने निर्णय गरेको हो ।

बैठकपछि मुख्यमन्त्री कार्यालयमा आयोजित पत्रकार सम्मेलनमा बोल्दै प्रदेश सरकारका प्रवक्ता एवं भौतिक पूर्वाधार मन्त्री बैजनाथ चौधरीले कोभिडका कारण स्थगित भएको लगानी सम्मेलन चैत्रमा गर्ने निर्णय भएको जानकारी दिए । लगानी सम्मेलनको अवधारणा पत्र तयार गर्न प्रदेशसरकारले बिभिन्न समितिहरु गठन गरेको पनि मन्त्री चाधरीले बताए । निर्वाचन आचारसंहिताले रोकेको अवस्थामा बाहेक स्थगित लगानी सम्मेलन चैत्रमा गर्नलागिएको उनले बताए ।

बैठकले प्रदेश अनुसन्धान ब्यूरो गठन सम्बन्धी ऐन बनाउन सैद्धान्तिक सहमती समेत दिएको छ । संबिधानले प्रदेशमा अनुसन्धान ब्यूरो र प्रदेश प्रहरी बनाउन सक्ने व्यवस्था गरेपनि केन्द्र सरकारले नियमावली र निर्देशिका बनाउन ढिलाई भएकाले ऐन बनाउन ढिला भएको मन्त्री चौधरीले बताए ।

प्रदेश सरकारले कोभिड नियन्त्रणका लागि प्रदेशका ४ स्थानमा संचालनमा रहेका आइशोलेसन अस्पतालहरुलाई थप ३ महिना म्याद थपेर संचालन गर्ने निर्णय समेत गरेको छ ।

प्रदेशमा रुपन्देहीमा २, दाङमा १ र बाँकेमा १ आइशोलेसन अस्पताल संचालनमा रहेका छन् ।

मन्त्रिपरिषदको आजको बैठकले मुख्यमन्त्रीको प्रमुख राजनीतिक सल्लाहकारमा पाल्पाका झपिन्द्र जिसी र जनसम्पर्क सल्लाहकारमा दाङका छबिलाल ओलीलाई नियुक्त गरेको छ । प्रवक्ता चौधरीका अनुसार जीसीले राज्यमन्त्री सरह र ओलीले सहायक मन्त्री सरह सुबिधा पाउने छन् ।

प्रकाशित मिति : २९ माघ २०७७, बिहिबार  ५ : ३० बजे

चर्च ब्वाईज इटहरी गोल्डकपको फाइनलमा, उपाधिका लागि आर्मीसँग भिड्दै

धरान । इटहरीमा जारी १४ औँ संस्करणको अन्तर्राष्ट्रिय आमन्त्रण कन्ट्रोल

बिहीबार वर्षाले अवरुद्ध नेपाल ‘ए’ र आयरल्याण्ड ‘ए’ को सिरिज आजदेखि

काठमाडौं । बिहीबारदेखि हुने भनेको नेपाल ‘ए’ र आयरल्याण्ड ‘ए’

दिल्लीमाथि राजस्थान रोयल्स १२ रनले विजयी

काठमाडौं । इण्डियन प्रिमियर लिग (आइपिएल) अन्तर्गत राजस्थान रोयल्सले दिल्ली

आजको मौसम : बाग्मती र गण्डकीमा बिहानैदेखि वर्षा, दिउँसो यी पाँच प्रदेशमा वर्षाको सम्भावना

काठमाडौं । बाग्मती प्रदेशसहितका केही स्थानमा आज वर्षाको सम्भावना छ

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा