१५ मंसिर २०७९, बिहिबार | December 1, 2022

नेकपा ओली पक्षको जनसभाको तयारी पुरा, प्रधानमन्त्री ओलीले सम्बोधन गर्ने, पूर्व लडाकु समेत जुलुसमा सहभागी हुने



बुटवल । नेकपा ओली पक्षले आफ्नो आधार ईलाका दाबी गर्दै आएको लुम्बिनी प्रदेशको मुकाम राजधानी बुटवलमा शनिबार गरिने जनसभाको तयारी अन्तिम चरणमा पुगेको छ । बुटवलको सिद्धेश्वर माबीको प्राङ्गनमा आयोजना हुने जनसभाको तयारी अन्तिम चरणमा पुगेको नेकपा ओली पक्षका पूदेश प्रचार संयाजक झपिन्द्र जिसीले बताए ।

नेकपा ओली पक्षले बुटवलमा २ लाख समर्थक उतार्ने दाबी गर्दै आएको छ । नेकपा ओली पक्षको प्रदेश कमिटीका अनुसार रुपन्देही जिल्लाले १ लाख समर्थक सडकमा उतार्ने छ भने बाँकी ११ जिल्लाबाट प्रतिनिधिमुलक ढंगले थप १ लाख समर्थक बुटवलमा उतार्ने छ ।

ओली पक्षले तत्कालिन माओबादीले जनयुद्ध सुरु गरेको फागुन १ गतेकै दिन पारेर बुटवलमा जनसभा गर्न लागेको छ । कार्यक्रममा जनयुद्धका पूर्व लडाकुहरुको समेत मार्चपास गराउने कार्यक्रम रहेको पार्टी स्रोतले बताएको छ । जनयुद्ध दिवसकै दिन पारेर ओली पक्षले बुटवलमा देशभरीका पूर्व लडाकुहरुको भेला समेत आह्वान गरेको छ । प्रहरीको खोजीमा रहेका कालिबहादुर खाम सहितका पूर्व लडाकुहरु शनिबारका सभामा सहभागी हुने बताईएको छ ।

‘साबिक लुम्बिनी अञ्चल हाम्रो आधार ईलाका हो, यहाँ नेकपाको संगठन र कार्यकर्ताहरु अहिले पनि निर्भिकरुपमा पार्टी अध्यक्ष केपी ओलीका पक्षमा खुलेका छन्, यहाँको उपस्थितीले राष्ट्रलाई नौलो सन्देश दिन सक्छ ।’ खबरकुरासंगको कुराकानीमा ओली पक्षका लुम्बिनी प्रदेश सह-इन्चार्ज एवं प्रदेश सरकारका भौतिक पूर्वाधार मन्त्री बैजनाथ चौधरीले बताए ।

कार्यक्रमको तयारीका लागि १ हजार बढी स्वयंसेवकहरु खटाईएको छ । आज मध्यराती सम्ममा मुल मञ्च तयार हुने नेकपाले जनाएको छ । मैदानमा जनसहभागितालाई स्थान अभाव हुने अवस्था आएमा त्यस नजिकका सडकहरुमा समेत डिजिटल बोर्ड मार्फत कार्यक्रम हेर्न सकिने व्यवस्था मिलाईएको प्रचार संयोजक जिसीले बताए ।

कार्यक्रममा प्रधानमन्त्री ओली, पार्टी महासचिव विष्णु पौडेल, ओली सरकारका मन्त्रीहरु लेखराज भट्ट र टोप बहादुर रायमाझी तथा लुम्बिनी प्रदेशका मुख्यमन्त्री शंकर पोखरेलले संबोधन गर्ने कार्यक्रम रहेको छ ।

सभा सुरुहुनु पूर्व ३ स्थानबाट जुलुस सुरु भई अस्पताल लाईनमा एककिृत हुने र त्यहाँबाट सभास्थल तर्फ प्रवेश गर्ने कार्यक्रम रहेको जीसीले बताए ।

प्रकाशित मिति : ३० माघ २०७७, शुक्रबार  ६ : ४० बजे

दोलखाका १० वटा मतदान केन्द्रमा मतदान जारी

काठमाडौं । दोलखाका १० वटा मतदान केन्द्रमा आज पुनः मतदान

स्याङ्जामा पद्माको शुरुवाती अग्रता

स्याङ्जा । बुधबार राती १० बजेबाट शुरु भएको मतगणनामा स्याङ्जा

यस्तो छ आजको मौसम

काठमाडौं । हाल देशमा उल्लेखनीय मौसमी प्रणाली छैन । हाल

उद्योग संघको स्थापना दिवसको पूर्व सन्ध्यामा दिप प्रज्वलन

बुटवल । रुपन्देही उद्योग संघले आफ्नो ४५ औं स्थापना दिवसको

दोलखाका १० मतदान केन्द्रमा आज पुनः मतदान हुने

काठमाडौं । दोलखाका १० वटा मतदान केन्द्रमा आज बिहीबार पुनः