काठमाडौं । नेकपा ओली पक्षका नेता एवं उर्जामन्त्री टोपबहादुर रायमाझीले प्रचण्ड-नेपाल पक्षले ओली सरकार र ओली नेतृत्वको विरुद्ध बिग्रेको थ्री नट थ्री राईफल पड्काएको टिप्पणी गरेका छन् । नेकपाको ओली पक्षले आज बुटवलमा गरेको जनसभामा बोल्दै मन्त्री रायमाझीले विपक्षीले बिग्रेको थ्री नट थ्री राईफल पड्काउँदा प्रधानमन्त्रीले एके ४७ पड्काएर विपक्षीलाई सडकमा पु¥याईदिएको बताए । उनले प्रधानमन्त्रीको एक फायरमै प्रचण्ड र माधव नेपाल सडकमा पुगेको बताए ।
पार्टी एकिकरण गरेपछि सर्वसम्मत केपी ओलीलाई नेता चयन गरिएको उल्लेख गर्दै प्रचण्ड-नेपाल पक्षले पार्टी एकताको म्याण्डेट विपरित हरकत गरेको आरोप लगाए । पूर्व माओबादी र केहि पूर्व एमालेका टिम मिलेर प्रधानमन्त्री केपी ओलीलाई प्रधानमन्त्री र पार्टी अध्यक्षबाट हटाउने षडयन्त्र गरिएको नेता रायमाझीले बताए । बिपक्षीहरुको कांढमा टेकेर प्रधानमन्त्री बिरुद्ध प्रहार गरेको उनको भनाई ।
रायमाझीले प्रधानमन्त्रीसँग एक से एक हतियार रहेको खुलासा गर्दै प्रधानमन्त्रीसंग ५० औ अप्सन रहेको बताउंदै प्रचण्ड(नेपालसँग कुनै हतियार नभएको ठोकुवा गरे । उनले निर्वाचन आयोगले ओलीको हस्ताक्षर बाहेक अरु नचिनेको दाबी गर्दै आयोगले पार्टी नफुटेको भनेपछि ओलीकै हस्ताक्षर आधिकारीक हुने दाबी गरे । उनले प्रचण्ड(नेपाल पक्षलाई निर्वाचनमा भाग नलिने भए मोहन बैद्यको पार्टीसँग एकता गर्न सल्लाह पनि दिए ।
सभामा संघिय सरकारुका अर्का मन्त्री लेखराज भट्ट, लुम्बिनी प्रदेशका मुख्यमन्त्री शंकर पोखरेल लगायतले बोलेका थिए ।
प्रतिक्रिया