विराटनगर । तत्कालिन नेपाल कम्युनिष्ट पार्टी नेकपामा विभाजन आएपछि प्रधानमन्त्री केपी शर्मा ओलीले केन्द्रीय सदस्य बनाएका एक नेता हत्या अभियोगमा पक्राउ परेका छन् ।
मोरङको पथरी शनिश्चरे १० जिरीखिम्तीका १९ वर्षीय सन्दीप भण्डारीको हत्या अभियोगमा युवराज बाँस्कोटा पक्राउ परेका हुन् । बाँस्कोटालाई ओलीले आफु पक्षीय नेकपाको केन्द्रीय सदस्य बनाएका थिए ।
भण्डारीको शंकास्पद मृत्यु घटनामा अनुसन्धान गर्न प्रहरीले बाँस्कोटालाई बुधबार पक्राउ गरेको हो । गत पुष १४ गथे भण्डारी पथरीशनिश्चरे २ मंगलबारेस्थित घरमा बाँस्कोटाको घरमा मृत भेटिएका थिए । भण्डारीको शरीरमा निलडाम र कानमा चोट देखिएको थियो ।
बाँस्कोटा विरुद्ध भण्डारीको परिवारले पुष २६ गते जिल्ला प्रहरी कार्यालय मोरङमा किटानी जाहेरी दिएका थिए । मोरङ जिल्ला अदालतले पक्राउ पूर्जी जारी गरेपछि उनलाई पथरीबाट पक्राउ गरिएको प्रहरीले जनाएको छ । बाँस्कोटालाई प्रहरीले आजै म्याद थपका लागि अदालत लैजाने भएको छ ।
प्रतिक्रिया