काठमाडौं । प्रतिनिधिसभा बैठक चैत्र ३ गतेसम्मका लागि स्थगित भएको छ ।
सभामुख अग्नि सापकोटाले प्रतिनिधिसभाको अर्को बैठक चैत्र ३ गते दिउँसो १ बजेसम्मका लागि स्थगित गरिएको जानकारी गराएका हुन् ।
त्यसअघि बुधबारको बैठकमा प्रतिनिधिसभा सदस्य तथा पूर्वसदस्यहरूको निधनमा शोक प्रस्ताव पारित भएको थियो ।
बुधबारको बैठकमा संसदमा रहेका दललका नेताहरुले सम्बोधन गर्ने कार्यसूची भएपनि अन्तिम समयमा त्यसलाई परिवर्तन गरिएको थियो । प्रधानमन्त्री केपी शर्मा ओली प्रतिनिधिसभा बैठक सुरु नहुँदै फर्किएका थिए ।
प्रधानमन्त्री फर्किएसँगै अधिकांश मन्त्रीहरु पनि बाहिरिएका थिए । यसअघिको बैठकमा पनि प्रधानमन्त्री ओली बैठक सुरु नहुँदै बाहिरिएका थिए ।
प्रतिक्रिया