काठमाडौं । नेकपा माओवादी केन्द्रले केपी ओली सरकारमा रहेका मन्त्रीहरुलाई फिर्ता बोलाउने निर्णय गरेको छ ।
शनिबार बिहान बसेको माओवादीको स्थायी कमिटी बैठकले ओली सरकारमा भएका सबै मन्त्रीलाई फिर्ता बोलाउने निर्णय गरेको हो । बैठकले पार्टी छोडेर एमालेमा गएका मन्त्रीहरुसहित सबै नेता एवं संघीय र प्रदेश सांसदहरुलाई २४ घण्टाभित्र निर्देशन दिएको छ ।
तर, सरकारमा रहेका कुनै पनि मन्त्रीले भने फिर्ता नहुने यसअघि नै स्पष्ट पारिसकेका छन् । उनीहरुलाई एमाले अध्यक्ष केपी शर्मा ओलीले पार्टीको केन्द्रीय कमिटीमा मनोनयन गर्दै जिम्मेवारी समेत तोकिसकेका छन् ।
माओवादी केन्द्रले भने पार्टी निर्देशन अवज्ञा गर्ने मन्त्रीको सांसद पद खारेज गर्ने प्रक्रिया अघि बढाउनेछ ।
बैठकले चैत २ गते हुने भनिएको राष्ट्रिय कार्यकर्ता भेला अर्को सुचना नआएसम्मका लागि स्थगित भएको छ । चैत १ गतेको केन्द्रीय समिति बैठक भने यथावत रहेको छ ।
प्रतिक्रिया