काठमाडौं । नेकपा माओवादी केन्द्रको केन्द्रीय समितिको बैठक सुरु भएको छ ।
बैठक पार्टी केन्द्रीय कार्यालय पेरिसडाँडामा सुरु भएको हो । सर्वोच्च अदालतले नेपाल कम्युनिष्ट पार्टी (नेकपा) खारेज गरेपछि पूर्ववत अवस्थामा फर्किन परेको माओवादी केन्द्रको पहिलो पटक केन्द्रीय समिति बैठक बसेको हो ।
बैठकमा अहिले अध्यक्ष प्रचण्डले पछिल्लो राजनीतिक घटनाक्रमबारे जानकारी गराइरहेका छन् ।
बैठकमा नयाँ परिस्थितिमा पार्टीको पुनर्निर्माण, सत्ता समीकरण र ओली सरकारमा रहेका मन्त्रीहरुको फिर्ता एवं उनीहरुमाथि कारवाहीबारे छलफल हुने बताइएको छ ।
माओवादी केन्द्रको केन्द्रीय समितिमा निर्वाचन आयोगलाई २०७५ जेठ २ गते अघि बुझाइएका ८७ सदस्य र साविकको नेकपामा रहेका थप ११३ सदस्य गरी २०० सदस्य रहेका छन् ।
प्रतिक्रिया