काठमाडौं । नेकपा माओवादी केन्द्रको संसदीय दलको बैठक बसेको छ ।
सिंहदरबारस्थित दलको कार्यालयमा बसेको बैठकमा संसदीय दलका पदाधिकारी चयन, प्रतिनिधिसभाको बैठक र सत्ता समीकरणका विषयमा छलफल भएको छ।
प्रतिनिधिसभाको बैठक आज पनि बस्दैछ । तर, सरकारले कुनै विजनेश नदिँदा बैठक औपचारिकतामा मात्रै सीमित भएको छ ।
बैठकमा अध्यक्ष एवं संसदीय दलका नेता पुष्पकमल दाहाल प्रचण्डले कांग्रेस र जनता समाजवादी पार्टी जसपासँग भैरहेको सत्ता साझेदारीबारे जानकारी गराएका छन् । प्रचण्डले संसदमा सरकारको विरुद्धमा कसरी प्रस्तुत हुने भन्नेबारेमा पनि प्रचण्डले ब्रिफिङ गरेको छन् ।
माओवादी केन्द्रले २०७४ फागुन ३ गते केपी ओलीलाई प्रधानमन्त्रीमा दिएको समर्थन अहिलेसम्म फिर्ता लिएको छैन । माओवादीले समर्थन फिर्ता लिने वित्तिकै एक महिनाभित्र ओलीले विश्वासको मत लिनुपर्छ । तर, त्यसअघि नै कांग्रेस र जसपासँग सहमति गरी ओली विरुद्ध अविश्वासको प्रस्ताव ल्याउन माओवादीले प्रयास जारी राखेको छ।
प्रतिक्रिया